[center]سلامو عليكو
سالخير اللي عنده مسا وصباح الخير اللي عنده مسا بردو
ام هند ( يعني المهم )
*
*
*
*
*
*
*
*
هابدأ معاكو سلسلة التأليس علي كل الإغاني بكل أنواعها وكل الوانها وكل اشكالها .. خلاص بقي
وكل ما أعمل اغنية والاقي تشجيع هتلاقو اللي بعدها نازله علطول وكمان انتو ممكن تختارو
الاغاني اللي انا أألف عليها .
أهم حاجة الموضوع يتثبــّت ولو بمطوة حتي مفيش مانع عشان اعرف أجيب كلام بضمير
وأهم حاجة بردو كله يعمل اللي هقول عليه دلوقتي وهو بيقرأ الكلمات :
1-إنّه ميقرأهاش !!! أيوا والسبب هتعرفوه في رقم اتينين اللي تحت دا
2-انا عاوز كل واحد يغنيها علي نفس لحن الأغنية الأصليه يعني يدندنها باللحن الأصلي مش
يقرأها .
يلا نبدأ مع أول أغنية :
هنبدأ بأغنية (( خلّيك فاكرني )) للهضبة عمرو دياب .
الأغنية اللي هتبقي عليها هيكون إسمها :
(( هاقتل حماتي ))
هاقتل حماتي .. دي عامله زي البُرص جوا البيت قصادي
داخله في حياتي ... تقولشي حُقنه لامؤاخذه في تعبيراتي
-------------------
ويالهوي لمّا .. تكلّمني كلمه .. بالظبط قرد عمال ينطّ بكلّ زمـّـه
عملالي أزمة ... في البيت وزحمة .. نفسي اشيلها وسيبها واجري في حتّه ضلمه
--------------------
ومراتي كوم ... طالعه لمين غير لُـمّها ياختي عليهم
هيجيلي يوم .. أحضنهم الاتنين وفجّر نفسي فيهم
-------------------
جاني وسواس .. وحاجات كتير .. دكاترة الأعصاب حبايبي وناس كفاءه
حاسس ياناس .. احساس كبير .. إنّي هنفذّ خطّــتي وآخد براءه
