اليوم وانا بتصفح بموقع رسام الكاريكاتير أسامة حجاج لاقيت كاريكاتير بيحكي عن الأنتخابات في الأردن ,عجبني بكل الكاريكاتير اليافطة الي مكتوب فيها فيس بوك للجميع و group لكل مواطن..بالفعل الي بيدخل على المجموعات الي في موقع فيس بوك, بيلاقي مجموعات الها أول ما الها آخر, شو هدف معظمها ما حد بعرف, بتلاقي اكم من جروب أله هدف معين او تجميع لناس الهم توجه معيّن, بس معظم الجروبات الباقية برأيي ما الها أي هدف الا تجميع الأعضاء بدون سبب.اليوم دخلت على الفيس بوك عشان أشوف شو في جروبات.. شوفوا شو لاقيت ع سبيل المثال:3awanes el HU هاد عن عوانس الجامعه الهاشميةRemove the "is" from the Facebook status (Official Facebook Petition)I speak Arabic ya habibi! ARABIC MEN CONTEXT: GIRLS Prefer ARABIC GUYS BUT… ولسه كمان كتير جروبات ما الها معنى, الي عامل جروب اله بأسمه عشان يجّمع معجبين والي عامل جروب أعتراض على مش عارف شو ..ما علينا.دبوس: لاقيت جروب في الفيس بوك ما بعرف مدى صحة الكلام الي فيو, بيحكي أنه موقع فيس بوك بيستعمل الصوّر الي محملينها الأعضاء لأغراض دعاية وأعلان وأغراض تجارية بدون ما ينسأل أصحابها لاغراض مادية… بفكر اراجع Terms of use و Privacy policy لما أشتركت بالموقع لأني بالعادة بحط موافق زي ما كل العرب بيعملو